El calcio co droni, che el vien dała Corea del Sud, el xe un sport competitivo che el unise i droni FPV (prospettiva -persona) co łe regołe del calcio. I concorenti i controła un drone sferico serà da na rete, doparando łe abiłità de voło pa manovrar ła "pała" par aria e sercar de far gol atraverso ła porta deła scuadra aversaria. A difarensa del calcio tradisionałe, i piłoti no i se inpegna in un conbatimento fisico direto; invese, i compete co abiłità, coordinasion strategica, vełocità de reasion e precision del controło del voło. Sto sport inovativo, che el smisia sport e tecnołogia, el xe altamente divertente e coinvolgente.
Ła International Drone Football Federation (FIDA) ła ga comerciałixà el sport nel 2016, sercando de crear un sport inclusivo che el tira partecipanti de tute łe età e seso. Ła so alta acesibiłità e ła so aplicasion difusa inte l’educasion STEM (siensa, tecnołogia, ingegneria e matematica) ło ga fato deventar particołarmente popołare nel setore educativo, jutando a coltivar abiłità in tante aree, come l’aviasion, l’ingegneria e el laoro de scuadra.
